كلماتي ترقص الـ"Valse" للشاعر التونسي أحمد شاكر بن ضيّة

كلماتي ترقص الـ"Valse" في دار سيباستيان بالحمامات

الألحان والصوت العذب للفنانة المبدعة سامية الحامّي

الكلمات كاملة:

***********

حبيتك تتلفت، حاولت انّاديك

ها الرّوح إلّي رفّت، كيفاش تسمّيك؟

يا بنيّة صغيرة في بدن كبير

يا هبال الغيرة، يا سرّ في بير

يا جوانح عصفورة، في ضلوعي محصورة،

يا حق يتفك بالغورة

يا ضحكة مسرارة، يا شفايف نوّارة

يا بوس مرصوص

على الرّقبة يطبع أمارة

يا جرّة عسل،

يا ريق النّخل

يا شمس مزروعة في جبل

يا أقدس الكتب

يا سورة الحُب في مصحف القلب

يا دين القُرب

يا ليعه

يا صياح الوجيعه

يا حرقة العين كي تكتم دميعه

يا... آه!

يا سكات محلاه

يا صوت مجروح بغناه

***

في سرّي ناديتك

وضيّعت كلامي كي ريتك

ودموعي ما كفّت

حبيتك تتلفّت

ونقلّك: نسيتك...

أحمد شاكر بن ضيّة