'قصيدة ملحون للشاعر التونسي نجم الدين حمدوني 'نندب عليها والدموعْ سْكيبهْ

نندب عليها والدّموع سكيبهْ تونس عزيزة وغاليه وحبيبهْ للبومْ والغربان صارت مرتعْ وكلابْ تولدْ من رحَمْها ذيبهْ ضاعتْ بلادي مْعا غبارْ البلْ وكْلابْ قردوخانْ زادو مصيبهْ خسارة سهرْنا في الليالي السودهْ جْنينا منّو كان الندم والخيبهْ دمّرنا البلادْ وطاحْ قدرها وضاعْ الشرفْ وعزّها والهيبهْ نِنْدبْ عليها والخدودْ نذبحهمْ والقلبْ طافحْ بوجيعتهْ ونْحيبهْ تونسْ عروسْ الكونْ بخصايلها صارتْ سبيّهْ كالغلمْ في زريبهْ وغلمان قردوخان بحْوافرهمْ داسو عليها وعلْ الوفا والطّيبهْ كيفاشْ ما نندبشْ توة خدودي كيفاشْ ما نبكيشْ على بورقيبهْ أأاه يا زعيم .... راهو الوطنْ اليومْ صارْ زريبهْ اصباع رابعه وغلمان قردوخانْ جواسيس عملو العيبهْ وبلادنا مرتع دعاشيش من بوشبكهْ ..... حتى ذهيبهْ وفي مجلس النوابْ اش نحكيلكْ رفضو العلمْ وقيمتو والهيبهْ وتونس عزيزة وغالية وحبيبهْ نندب عليها والدموعْ سْكيبهْ

نجم الدين حمدوني 2020.01.02