قصيدة دولة الأخوانجية للعظيم (( بيرم التونسي )) - يتخيل فيها مصر تحت حكم الاخوان سنه 1954

كفاية يا مصر لو يبقى الهضيبي

وأعوانه على عرش الامارة

وسيد قطب يعطوه المعارف

وسيد فرغلي ياخد التجارة

وعودة يعودوه ضرب المدافع

وسي عبد الحكيم عابدين سفارة

وسي عبد العزيز أحمد يسوقها

ويتولى المواصلات بالاشارة

وكل جهاز تتعين عيله

عمد في كل قريه وحارة

محافظ مصر خريج الدباغة

وتحته وكيل خريج النجارة

ويقني الكمساري أكبرها عزبة

ويقني السمكري أضخم عمارة

وتخلص مصر من عيلة الدخاخني

الى عيلة الخواتكي أو شرارة

ويومها تحلق الاخوان دقونها

ويترص الحشيش ملو السيجارة

ووحياتك لا أيد اللص تقطع

ولا تبطل مواخير الدعارة

ويبقى الشعب هواه في الفلافل

وطرشي الحاج سيد والبصارة.