عديتهم لصحاب مايتعدو
ساس المودة هدو
وديتهم من الڨلب خانو ودو
وديتهم مابان
تذكرتهم ودوني بالنسيان
عليت ظهرت خايخة السيسان
وديت توا سنين خيري جحدو
أطباعهم مبنية ع النكران
خبيت وجع الڨلب خلوڨي فدو
عديتهم لصحاب
وديتهم نكروه
خيري وتعبي الكل راح رموه
باعو المحبة و الغلا باعوه
وباب المودة اليوم هاهم سدو
وكل الي كان مابينا نكروه
حليت باب الود وهوما ردو
عديتهم لصحاب
عديتهم مااكثرهم
فاتو شعر الراس نتذكرهم
ضنيت شي في الدهر مايغيرهم
ومحال يوم الڨلب يصيرو ضدو
عل البعد ماكان شي الي يجبرهم
وقت المحاين يهربو مايصدو
عديتهم لصحاب
عديتهم بالعد
في محنتي مالقيت حتى حد
والكل يا لطيف نفس الرد
جميع البيبان سكروها وردو
حبال ذايبة مافيها مايتشد
كل الرجايا كسروها وهدو
عديتهم لصحاب
عديتهم أصحابي
ضنيت في لدراك يدقو بابي
في القلب غرسو خناجر وسط أجنابي
والصبر يمة وفالي وفايت حدو
مكاتيب يمة و هذا خط كتابي
عل القلب زادو يجهمو ويكدو
عديتهم لصحاب..........
حنان العلوي
Comments