صندوق دعم الحياة الثقافية
عندك مدة نافخهملي
تحكي على هاك الصندوق
راهي كلات بعضها عليه
حل الكازي يامخلوق
زعمة تعملها يامعلم
وتفك خناق المخنوق
وإلا يلزم لجنة ولمة
ودعاية وإعلام وبوق؟
هو من برة آلية
للي لوطة يولي لفوق
من داخل فارغ يظهرلي
لعب عليه صبع العوق!
هانا كبسنا ها السنطورة
ورجعنا لبسنا المحزوق
وخرجنا نبيعو في (تر......نا)
ببلاكة ندورو في السوق
فلان بخمسة فلان بعشرة
والراجل ولى نقنوق
هذا حال الفن تميزر
وهاوكة في القهوة مشنوق...
حل الكازي رانا تعبنا
م الكورونا يا سي الدوق
كانك فاهمني يامعلم
وأنت ديما عندك ذوق
كان تحل المشكل هذا
وراسك ننفخلك شلبوق
طرايحنا كثرت نستنا
حكاية تبديل الصندوق
نزار الحميدي
Kommentare