شعر غنائي {أنا في عينيك إمصور } بالعامية للشاعر التونسي بلقاسم بن سعيد

لا تلوج ديمه لا إدور

حبي في عينيك إمصور

لا تقولي وينك يا باهى

بالكشي نا سيني أو ساهى

ما ننسى وبحبك لاهى

وبعشقك زاهي ومنور

لا تلوج ديمه لا إدور

حبي في عينيك إمصور

******* *** **** ******

لا تلوج ياسر لا برشه

لا تبكي ليام الحرشه

قلبي قيصر وإنتي عرشه

حبي أحقيقه موش إمزور

لا تلوج ديمه لا إدور

حبي في عينيك إمصور

****** *** *** *******

لا تلوج لا تتعب ياسر

ما يطلعشي فينا خاسر

غرامي في نظراتك حاضر

الحب إلى إجمعنا متطور

لا تلوج ديمه لا إدور

أنا في عينيك إمصور

شعر: بلقاسم بن سعيد

مدينة سوسه-تونس في:05/08/2019