تمشي...تتبدل لحوال
او حبي الغالي ما يتبدل
نحب إثنين أوحبي طال
أو عمره في حياتي ما يذبل
حب إبلادي إلي في البال
وي إيفكر فيها أوما يغفل
وارض إلي ربات أجيال
و الكون إلي بعباده. يحفل
صحيح اليوم ضياڨ الحال
و العيشه مره... وتجفل
بين البايع والنشال
ضاع الحاضر و المستقبل
الورده ما كانت تذبال
لو مانا علي ثراها يهطل
جا وقت الفعل الفعال
إنشيد ما إبدينا ونكمل
أو مهما ها الغمه تطوال
تبقي إبلادي عود قرنفل
بلقاسم جايب لمثال
سعيدي إير بخها في المحفل
ثابت في اجميع الأقوال
أو ما إيطيحش لحظه للأسفل
أولا إيتبع جرت دجال
أو لا يكتب حرفه وى إيهمل
شعر شعبي: ل بلقاسم بن سعيد
مدينة سوسه-تونس في:16/04/2019
Comments