شعر شعبي} حكمة الإنسان *شعر: بلقاسم بن سعيد}

إنعيش...وقت إناسه مزطوله

أو لا تعرف رحمه أو لا حسان

والباهي أخلاقه مغلوله

ما عنده في الدنيا شان

اولاكلمه في إمثيل إسبوله

أو لا قيمه عند الفنان

ما عاد إسيوف المسلوله

أو ما عادش فيها فرسان

الحكمه إللي صارت مجهوله

أو ماعادش يحكيها إللسان

نصنعها بجهدي بسهوله

باش تنفع في كل إمكان

بلا صروف آش تسوى البسكوله

بلا صروف آش يسوي الميزان

بلا أخلاق كريمه معدوله

قولي آش يسوى الإنسان

بلا سواعد تبني مفتوله

كيفاش إيتم البنيان

بلقاسم تربية إفحوله

حامل كي الواد المليان

سعيدي أو أخلاقه مقبوله

عند أصحابه والجيران

شعر: بلقاسم بن سعيد

مدينة سوسه - تونس في:21/04/2019