تبلعيط قصيد بالعامية للشاعر التونسي المتألق نزار الحميدي

تبلعيط

كل بلاد وفيها صيودة

وثمة صيودة ببلاليط

أنا حبيبي بن حمودة

وأنت معريها لشاليط

تدحنس فماش أفيّم

سكريتو مقرط تقريط

قداكش في الكذب زعيّم

ملا بهامة وتبلعيط

نحنا نغنوا تحيا الصحبة

وأنت تنظر للتفريط

أنا نقلك يعطك نكبة

تردك تمشي حيط الحيط

نحنا رانا دولة وحدة

م الخليج وللمحيط

نحنا نسدو في المسارب

وأنت مبلطها تبليط

قالوا مشرط أنا مشرط؟

شلطت الرجلة تشليط

كنا نحترموك خسارة

مايسالش كان" تخربيط"

مالة مسمينا عصابة

ملا قباحة وتملقيط

كنت تظن لكان يقاوم

في الساحة الحمراء فرزيط

شعندي نقلك ربي يهدي

تيت تيت تيت تي...ط

وقتاش تغير تفكيرك

وتخيط فمك تخييط

________

نزار الحميدي