بلاد راحت

الشاعر كمال الزين

بلاد راحت مابين ثنين

زوز شيابين

موش عارف اخرتها وين

بلاد راحت بين الشياب

بين سبحة وبين كأس شراب

موش عرف اخر لعقاب

وموش عارف هزينا وين

عقاب دنيا ولوقت خياب

تتحالف بيرة مع الدين

بلاد راحت ومشت تفيت

شروك ياسر قداش تخيط

قريب يفصخ جروده وعيط

الشعب لي متبلع في الطين

فار دمه تحرق وشيط

في جرت زوز شيابين

حرقوها ومشت هبي

كي الهارب كيف لي جي

هلكوها يعطيهم دي

ولا دعوة من الصالحين

مرض لي مافيه شفي

ويا سامعي قولي امين

متبهذل هالشعب في حالة

بين الجامع وبين الحانة

موش عارف حرامه وحلاله

ولا فاهم دنيا لا دين

كانش ربي ينهض حاله

ولا مشينا في رجلين

ربي يقدر خيره

ونرتاحو من هل فوقيرة

شايب قلقنا بشخيره

ولاخر عاملها مسكين

مشينا لكلنا في دحنيرة

صبعين وتلحق لطين

رخاص لكل ومايسووش

كيف لمين و كيف الكوش

جريهتهم الكرسى وفلوس

ومايهمهم الشعب المسكين

يعطيهم مرضة ماينضوش

ولا يجيهم عزرايين

بلاد خربت واش خلو فيها

متين حزب نزرعو فيها

وزاد كمل لعلام عليها

كل ليلة هم مجتمعين

بلاد طرد في مالليها

كان نلقو هج هاجين

بلاهي روف على تونسنا

خنقتونا حتى في نفسا

روف بينا رانا حبسنا

وكتفتونا من رجلين

فكو يزي رانا خلصنا

قتلتونا وحني حيين

عبرت على رايي وصلته

بشعاري كتبته فصلته

ولي ناوي يتقصلي شلطه

شعبي عنده شلطين

هو سندي وقت الورطه

اني نحبه وتكره لوخرين

بلاد راحت

الشاعر كمال الزين