انبيح الكلاب اكثر

*شعر: الأستاذ محمد القماطي

انبيح الكلاب اكثر…

في كل تركينة في كل ابلاصة

و في المدن و في الدشر

خلو و راهم انزاسة

في الزناقي و الحوم

ابيعو في الجنة بالبلاصة

غسلو اعقول الذر

و اعطاوا قيمة لللحاسة

و في التلافز اتهبهيبهم اكثر

و فوق المنابر الدساسة

كلو اليابس و لخضر

و تنفخت كروش الساسة

و الشعب تحت الحيط ميت بالشر

يبكي على السعود النحاسة

النهضة منا في خيرها تتبختر

من غادي لحزاب رقاصة

و اهل العزة و الوطن

صبحوا اليوم خماسة

وينهم احفاد الكاهنة وحنبعل

وينهم لحرار التوانسة

ربي يقطع هالدابر

وارتح تونس من هالساسة

محمد القماطي...وذرف