الشاعر صلاح الخليفي في قصيدة ساسة و سياسة أفلام

ساسة و سياسة أفلام صنعوها بفوضى الكلام و المواطن وينو نعس..خذاتو عينو و ..ضايع في الأوهام ...................................... ساسة و سياسة و بلاد بيعة و شرية واشكون زاد و اللي يقولك ع الحياد " يلم" على يسارو و يمينو ................................. ساسة و سياسة قعباجي و مواطن من همو يلاجي و مثقف في برجو العاجي في كذبة كبيرة ملهينو ...................................... ساسة و سياسة و نخب الدهر كلى عليهم و شرب منهم وطننا تنكب في أتعس حالة مخلينو ....................................... ساسة و سياسة و تعليم واقع متأزم أليم و مربي مسو التقزيم يا حسرة على ماضي سنينو .................................. ساسة و سياسة و أحلام سرقوها ..صارت أوهام و رجعنا لصنعة الكلام و الفعل الواعي ناسينو ...................................... ساسة و سياسة خيانة و..ناس ما صانتشي الأمانة و شعب تمرمد بالمهانة و مازالت ليام تهينو .......................................... ساسة و سياسة فساد ضربت مفاصل البلاد و شعبي راقد" كالمعتاد" حربوشة قوبة عاطبنو ........................................ ساسة و سياسة و ظروف وبلاد مغطيها الخوف و اللي يحكي بالمكشوف يعلقولو " هبل" على جبينو ....و المواطن وينو نعس..خذاتو عينو و.. ضايع في الأوهام .......ساسة و سياسة أفلام صنعوها بفوضى الكلام

صلاح الخليفي